Правење на презентации

Многу често сум бил на презентации кои биле предолги, досадни, монотони, звучеле како приспивна песна, имале премногу текст или тој бил премал, многу фонтови, многу бои, лоши бои, презентерот бил премногу самоуверен, и мислел дека без разлика како ја води презентацијата, дека тој/таа е главен/а и сите дошле само нив да ги слушаат, да почне да збори и да незнае да застане, а кога ќе застане, разбира се, да не знае да продолжи.....

Навремето и јас не бев цвеќе за мирисање, најчестите грешки кои ги правев беа: премногу текст на слајдовите, досаден говор и погрешен избор на бои (отежнето читање). Едноставно не ме биваше, другарчињата секогаш ми префрлаа и советуваа да сменам нешто. Еден убав светол ден Новица ми посочи две интернет страници: методот за правење презентации 10/20/30 на Гај Кавасаки и Presentation zen.

Денес при правење на презентации најчесто го користам методот 10/20/30 на Гај Кавасаки кој кажува 10 слајда, 20 минути и минимална големина на фонт 30 пиксели. Со оглед на тоа дека повеќето луѓе не можат да се концентрираат на една работа повеќе од 20 минути, овој концепт е идеален.
Доста интересен и ефективен е и методот на Лоренс Лесиг.

Задолжително погледнете ја презентацијата на Identity 2.0 од OSCON2005 на Дик Харт. Презентацијата е направена по методот на Лесиг и е најефективната презентација што досега сум ја видел.

За крај еве ви купче врски:
Presentation zen задолжително посетете
PowerPoint tips: Perfect Presentations
HOWTO:Give a presentation
How to give a good research talk
My Best Presentation Tricks