Job Fair 2007 на страната на ФЕИТ

На страната на Факултетот за електротехника и информациски технологии се појави вест за нашиот JobFair. Целате вест заедно со неколку слики може да ја погледнете тука.

Еве неколку извадоци од текстот:

Job Fair е саем како и секој друг. Единствено се разликува по производите со коишто се „тргува“. Овде компаниите нудат работни места, а студентите се тие што купуваат. Може да се гледа и обратно на работите – студентите се нудат за работа, а компаниите ги одбираат најдобрите и најквалитетните.

и:

Целта на овој саем е да ги поттикне студентите активно да бараат работа, наместо да чекаат вработување.

Нови алумни - честито!!!

Сакам да ве информирам дека од денес, БЕСТ - Скопје се здоби со уште два нови алумни члена: Алек и Суад. Двајцата имаат изминато години и години во БЕСТ :Þ Епа дечки, нека ви е на арно, да продолжите и понатаму да се грижите и да му помагате на БЕСТ - Скопје, како и убо да си ги терате останатите работи во животот.

Епа ајде, аирлија нека е!

Google Calendar известувања по СМС

Некои членови на БЕСТ го користат Google Calendar за да си го организираат времето. Исто така БЕСТ Скопје има свој јавен календар на кој може да се претплатите и полесно да ги следите активностите на БЕСТ.

ОК, ова горе-доле го знаете сите, но што е ново? Google Calendar нуди опција со која може да добиете известување за некој настан по СМС. Така на пример доколку почнува работна група на БЕСТ во 19:00, вие (ако ви е поставено така) ќе добиете СМС во 18:00 дека за еден час има работна група и ќе дојдете на истата. Вакви известувања ќе добивате за сите настани, дали за БЕСТ или ваши лични.

Во листата на земји во кои можете да добивате таков СМС како известување од неодамна се појави и Македонија, па така ништо не ве спречува да го пробате сервисот.

Само пазете, откога ќе го активирате нема да може повеќе да не доаѓате на работни групи и да се вадите на "еј, заборавив" зато што Google ќе ве потсети ;-)

Трк на http://calendar.google.com

Nursing во Ниш

Минатата недела 4-ца БЕСТовци, заедно со претседателот на Интернационално БЕСТ беа во Ниш. Целта беше да се прошетаме и да се запознаеме со луѓето од Ниш, на кои треба да им бидеме nurse (што значи дека треба да ги негуваме се додека не станат полноправна локална БЕСТ група) :) Како си поминавме? Прекрасно! Веднаш по пристигнувањето имавме мал тренинг за тоа што е БЕСТ, и општ приказ како изгледа и функционира БЕСТ. Потоа Нишлии не однесоа на пиво и журка во еден паб и си поминавме одлично. Следниот ден се шетавме на тврдината, пиевме кафе на прекрасното сонце и си ги пружавме нозете на зелената трева. Може да погледнете слики тука и наскоро повторно во Ниш, нели?

Рооо-ден, ро-ден-ден

Ивана, честито!

Малку задоцнето но не со помалку љубов, чест ни е да објавиме дека нашата "стаааараа" бестовка Ивана Јакимовска дипломираше на Филолошки факултет.

Воедно се здоби со почесен статус „алумни“, па ја чекаме да организира БЕСТ журка :)

Во секој случај, Ивана - ќе ни недостигаш!

Пропаганда 2