Искуства од Краков

Беше 2011та година,јас штотуку станата бебе член на БЕСТ.Бев решена да направам нешто
поинаку тоа мое лето,и аплицирав на летните курсеви кои што ги нуди БЕСТ.Ме одбраа да одам во Краков,Полска.Бев превозбудена за таа авантура,но воошто незнаев што ми следи.На пат за Краков во авионот имав и моменти кога незнаев како така одам во непозната земја,сама,потпрена на една организација што се вика БЕСТ.Но,сеуште немав сфатено што е БЕСТ.

Во моментот кога згазив на земјата во Краков почнаа најубавите денови од мојот живот.Ме
пречекаа на аеродром,и веднаш потоа заминавме во студентскиот дом каде што те пречекуваат
безброј насмеани лица кои ти даваат најтопло добредојде.Веднаш ме обвзеде неизмерна
насмевка и бев среќна што сум таму.Сигурна дека треба да бидам таму. До крајот на денот дојдоа сите партиципанти,од 20 држави низ оваа Европа, португалка,италијанец,шпанец,русинка и други,кои единствено заедничко нешто им беше топлата насмевка и неверојатниот дух што го носеа во нив.
Незнам што беше ама веднаш почувствував некоја врска со сите нив,и нашите

организатори. Бевме склопени како совршена хармонија која одекнуваше со... со живот ! Тие
денови се чувствував едноставно жива! Денови исполнети со игри, смеења, пеење по сабајле
и навечер,танцување на дожд,бањање во фонтана,пиење пиво на тревата. Денови какви што секој човек посакува во неговиот живот. Станувавме рано,се забавувавме до доцна,искрена
да бидам секој ден бев само два часа спиена но имав енергија за целиот свет.Чудно нели? А
и самиот град допринесе во нашата совршена приказна. Со белите кочии, магичниот плоштад
и замоците целиот град е како бајка. Едноставно таму немав момент воошто да кажам дека
нешто е досадно,и кога јадеш и кога спиеш или неспиеш и кога правевме 3D анимации на
курсот,чувствував дека сум насекаде исполнета со магијата на БЕСТ. А тоа мора да го доживееш да знаеш за што зборувам.Сите зборуваат прекрасно за БЕСТ,но БЕСТ е многу повеќе од сите зборови што може да се напишат за него.

Благодарение на БЕСТ јас поминав совршени 2 недели во Краков, 2 недели каде што незнаев како да бидам посреќна. Тие 2 недели јас пораснав таму,пораснав во една исполнета БЕСТ-овка.Тие две недели се исполнети со моменти кои што за ништо на светот нема да ги заменам.Тие луѓе никогаш нема да ги заборавам. Тие луѓе живееа во моментот заедно со мене. Знаете ли дека 2 години скоро поминаа ,а групата наша од Краков си пишува повремено сеуште? Едноставно тие пријателства не умираат. За малку време успеав да направам искрени пријатели низ целиов свет.Тие луѓе знаат да живеат во убавите моменти.
Тешко е да се верува дека постојат убавини на овој свет како што е БЕСТ,но вистина е.
И секогаш кога ќе се сетам на Краков се насмевнувам,ооо која топлина ми доаѓа во градиве.Тоа
беше едно прекрасно искуство за цел живот.
Но џабе зборам, зборовите не се доволно. Отидете ! Видете ! Почувствувајте !
Ќе бидете неизмерно благодарни на БЕСТ

                                                                                                                 Стефана Филипова

Tweet

Верификационо Собрание

Со новата година дојде и едно ново верификационо собрание, кое беше оддржано на 20 Јануари 2013 година. Собранието како чин , е еден од посвечените и позначајните настани, кое најчесто се оддржува најмалку двапати во годината и на кое се донесуваат значајни одлуки за понатамошниот тек на самата организација. На истото присуствуваат полноправни членови, со можност за присуство и на млади членови.

Можеби исто како и сите други но малце поразлично за мене беше ова собрание, кое ми го донесе полноправството, што секако ми претставува големо задоволство.Како што ни кажува и самиот назив, на ова собрание беше верификуван и официјално стапи на функција новиот 12ти Борд, кој што беше избран на минатото собрание и добро се докажа во изминативе 3 месеци.Секако ни се обрати и нашиот 11ти Борд, кој ни направи еден прекрасен осврт на она што го постигнале за време на нивниот мандат и не се поштедија да го пренесат нивното искуство. После примопредавањето на функцијата,меѓусебните честитки и се разбира фотографирањето, беше избран и нашиот нов вивалди одговорен. Следно што  изгласавме е главен организатор на РМ, или поконкретно регионалниот состанок, кој што годинава на наша чест и задоволсто ние ја добиеме можноста за организирање на истиот.

Нека им е со среќа на сите и само успеси да се редат оваа година.

                                                                                                       

                                                                                                        Викторија Миовска

JobFair Aachen

Едно од незаборавните моменти поминати на БЕСТ за мене беше  токму германскиот JobFair на кој што јас и Стефана земавме учество  како коорганизатори оваа  година.Тоа е најголемиот а воедно и најстариот  настан кој се одржува  секоја година во Ахен  од студентската  организација ,,Бондинг`` - нашиот партнер од Германија. Саемот  траеше 3 дена на кој се појавија 333 фирми од најразлични  области каде што секој од посетителите на саемот  имаше можност да се запознае со конкретната фирма која е неговото поле на интерес , да дознае повеќе за нивната визија и  тоа што тие  го работат како и да остави своја биографија доколку се гледа себиси како дел од нејзините професионални можности.

За  организацијата на настанот  можам да изнапишам  многу пофални зборови а сепак да не бидат доволни за да го доживеете настанот онака  како што јас го доживеав.Уште од самиот почеток  можевме да ја почувствуваме целата посветеност, точност, исполнителност и голем ентузијазам  на германските студенти  што според мене  беше суштинско за организирањето на еден така голем настан. Она што потполно не освои беше  тимскиот дух кој ги одржуваше  сите студенти да работат вредно како мравки  од раните утрински часови до доцните вечери за се да биде  организирано на едно беспрекорно ниво.

Нашата задача како коорганизатори беше  да помогнеме секаде каде што имаше потреба во делот на логистика што опфаќаше работи како пречек  на гостите, помош во  делот на кантината,  информативниот  штанд и гардеробата. Добивме и  доволно слободно време да ги посетиме предавањата од фирмите кои одсекогаш не инспирирале.

Станувавме многу  рано наутро, работевме до стемнување но на крајот од сето тоа го делевме чувството на  задоволството и среќа од добро завршената работа и заедно во вечерите  прославувавме во една од најдобрите дискотеки.

За мене тоа беше едно убаво искуство кое на секого топло му го препорачувам. Германскиот саем за вработување е еден добар пример за тоа како треба да изгледа овој настан и во нашата земја.

                                                                  

                                                                                                                                     Ангела Николовска

Студентски Василичарски оган

На 13ти јануари 2013 година, по повод празникот Василица, БЕСТ Скопје го организираше до сега најголемиот студентски оган.  Настанот се одвиваше во дворот на барака 5 на техничките факултети. Беа поканети сите студентски организации, а и сите студенти кои не се членови на ниедна од нив.

Како што е  редот и како што налага традицијата на денот на Св. Василиј замесивме василопита и внатре ставивме златник или народски речено пита со паричка. По еден претставник од секоја организација учествуваше во делењето на питата и оваа година паричката се падна на барака 5. Тоа значи дека наредната година сите организации заедно ќе допридонесат за настанот да стане уште поголем и уште поубав.

Запаливме оган, а околу него се играа ора, пееа песни. Не смееме да ги заборавиме и нашите традиционални јадења и пиења. Полна трпеза, намсеани лица, дружба па има ли поубаво од тоа?

Настанот сакаме да прерасе во традиција и секоја година да биде помасовно посетен и повеќе организации да завземат учество. Се надеваме дека ќе ни успее, но останува да видиме.

Leisure event beAwesome, Париз, Франција - Организиран од LBG Supelec

 Јас станав член на БЕСТ во октомври 2012. Воопшто немав поим што значело да бидеш член на семејството БЕСТ. Ми се насмевна среќата и го доживеав мојот прв настан со БЕСТ и тоа погодете каде?? Ооо, да токму таму, во еден од најубавите градови во светот, градот на светлината, прекрасниот Париз. Замислете 7 дена во оваа 12 милионска светска метропола, каде сите се брзаат, а нервоза никаде. Тие 7 дена нема да ги заборавам никогаш, од самото слетување на аеродромот Шарл де Гол, јас веќе бев друг човек, всушност морам да признаам, малку бев исплашен бидејќи сепак првпат доаѓам комплетно сам во комплетно непозната територија, каде не познавам никого, но тоа е БЕСТ, ти дозволува да се адаптираш на новата средина многу брзо. 

Настанот беше повеќе од она што очекувавме, најважното од сЕ, сите се однесуваа со нас како да им дошле некои високи гости, дипломати, премиери, претседатели и сл. Французите навистина се покажаа како добри домаќини, ништо нЕ ни недостасуваше, имаше повеќе од доволно. Бевме сместени во становите на студентите во студентскиот кампус на едно од најреномираните француски приватни училишта за електротехника Супелек. 

Се беше подготвено од студентите, јадења, настани, прошетки и сл. Она што ми остави најголем впечаток и покрај тоа што речиси сите 6 дена од кои 1 имав екстра, се беше интересно, но овој настан беше некако највпечатлив. Третиот ден после доручекот, нас учесниците нЕ чекаше огромно изненадување. Тоа беше настан кој навистина чини многу, а нас нЕ не чинеше ништо. Замислете, цел ден пиење и јадење бесплатно, уживање во џакузи, тркалање во огромна еластична пластична топка, одење по жица, натпреварувања во разни категории, сето ова бесплатно, цели 8 часа. Признавам, никој не се надеваше на вакво нешто, пред се ова чини многу и треба голема храброст да се направи. Навистина, тој ден никогаш нема да го заборавам. Интересни беа и другите настани, пред се прошетката низ Париз и дворецот Версај, но верувајте колку и да пишувам, не се опишува, мора да се доживее. Едноставно се заљубив во БЕСТ, едно прекрасно искуство, запознаваш луѓе од цела Европа кои никогаш до сега ги немаш видено и со нив го поминуваш настанот како да се знаете со години, навистина прекрасно.

За сите они кои го читате ова, и имате план да станете членови на БЕСТ, јас како нов член би ви препорачал, не се двоумете, не чини ништо, а ви дава многу. Кога еднаш ќе ве зарази магијата на БЕСТ, нема враќање назад. За крај би ви оставил една порака од домаќините во Франција,  “We Light Your Life!” – BEST Supelec (Ние го просветлуваме Вашиот живот!).

Дамјан Милошевски

Coordinating beKNOWN9

TrainShops are one of the coolest, most effective learning events in BEST. How do I know that? I was a participant last year on a TrainShop called “beKNOWN8”, which taught me how to make my Local BEST Group in Ljubljana more recognizable. However, it did not give me just knowledge, it also gave me new confidence and a bunch of friends with the same goal as me – to learn and share as much as possible and to try to make BEST even better.
When they were looking for the coordinator of the next edition of “beKNOWN”, I was a little bit sceptical. Am I good enough to tailor the next edition of this amazing event? Fortunately, Local BEST Group Skopje decided to host it. Maybe it sounds strange, but this gave me a little bit of a needed push.
As a coordinator, my first big task was to help select the trainers’ team, who were supposed to pass their knowledge to the participants. Another huge task was to choose the participants for this TrainShop. Every year there are more people applying that we can accept, so it was really hard to choose just 20 of them.
The trainers’ team was preparing the schedule and started to even broaden their already huge knowledge about marketing, public relations, branding… In parallel I was also in contact with the organizers’ team in Skopje, with whom I talked about the logistics of the event: how billion of flipcharts we need, how many markers, post-its, rulers, projectors…
The trainers’ team and I were hosted in Skopje couple of days before the official start of the TrainShop in order to finally meet each other in person and not just via email and skype and of course to do the last minute preparations. To my nice surprise we also had chance to talk about the TrainShop on national TV and on the Student radio.

After moving ourselves to Ohrid “beKNOWN9” officially started. It is always amazing for me, how people easily trade some of their sleeping hours in order to share more among themselves. How participants happily agree with session extension and were very active on each session. Lacking of sleep was there through the whole event, but you were not able to notice between sessions. We got all the energy from wanting to share and deliver sessions and participants of course from their will to learn as much as possible. Thanks also to the organizers, who provided us with their traditional and may I add very tasty food.
Fortunately, the TrainShop is too long to survive it without a free day and we had a chance to do a little bit of sightseeing around Ohrid. As planned, we also had the best weather on that day. We did not manage to see all 365 churches, but we all agreed that Ohrid is a very lovely city, even in winter time.
To conclude, because I have so many great memories in my head and it is impossible to write down all of them I will just sum up – Coordinating beKNOWN is amazing, especially, with this trainers’ team and the organizers from Skopje. Truthfully, Skopje became my second home. I am really gratefully to every single person that helped to make this event unforgettable!

Urša Lokar, coordinator of TrainShop “beKNOWN9”

Импресии од beKNOWN8

Работилницата beKNOWN е настан кој е наменет за членовите на БЕСТ кои се заинтересирани да работат во областа на маркетингот и односите со јавноста. Еден многу важен елемент како за секоја организација или компанија, така и за нашата студентска организација. Маркетинг полето во БЕСТ е доста интересно и креативно, вклучува осмислување на маркетинг кампањи, дизајн на постери, изработка на видеа, веб страни и бидејќи се работи за студентска организација која таргетира млади луѓе, дозволува развивање на имагинацијата во сите насоки. Како студент по архитектура најмногу се пронајдов во ова поле, но освен моите познавања од дизајн, за жал немав некои особени познавања од маркетинг или односи со јавноста. Затоа решив да се пријавам на beKNOWN, зошто иако тоа е настан кој е прилично интензивен со тренинзи и предавања, знаев дека после него ќе се вратам подготвена да го применам целото знаење во БЕСТ Скопје и да го подобрам квалитетот на маркетинг тимот.

Веста дека сум една од 20-те избрани од многуте пријавени студенти од цела Европа ме израдува премногу, прво зошто ми се даде супер шанса да научам повеќе за она што ме интересираше, а второ зошто работилницата се одржуваше во Брно, Чешка, земја која сеуште ја немав посетено. Во Брно бевме пречекани од прекрасни организатори-студенти како нас, кои со голема посветеност се грижеа за се што ни требаше, а тренинзите и предавањата беа водени од тренери кои се исто така членови на БЕСТ. Тренерите посебно ме воодушевија, бидејќи беа сите млади луѓе, некои и помлади од мене, но сепак крајно професионални и посветени на она што го работат во нашата организација. За мене претставуваа бескрајна мотивација за да се пронајдам себеси во ова поле и ми дадоа можност да увидам дека можам да постигнам многу повеќе отколку што самата имав проценето за себе дека можам. Другите учесници беа исто така голема можност да научам нови работи, сите беа крајно мотивирани и заинтересирани на предавањата, а во она малку слободно време беа секогаш расположени за дружење и забава. Иако секој од нас доаѓаше од различна држава и културна позадина, сите заедно формиравме тим, станавме едно и се зближивме многу. На оваа работилница, освен што научив многу работи кои немаше на друго место каде да ги научам запознав и стекнав неверојатни пријатели со кои сеуште комуницирам и се надевам дека уште многу пати ќе ги сретнам во животот. Но најмногу од се, благодарна сум на она што го научив за себе и за огормната мотивација што овој настан ми ја даде да работам повеќе и постојано да се развивам. Му благодарам на БЕСТ што постои како организација и се надевам дека со мојата работа ќе вратам барем дел од она што тој на мене ми го даде.

И еве скоро една година подоцна, БЕСТ Скопје ја има честа да го организира и да биде домаќин на овој тренинг настан. Она што мене ме инспирираше и мотивираше да работам во БЕСТ Скопје изминатава година, доаѓа во Скопје и сите членови на БЕСТ Скопје имаат шанса да го видат и искусат од блиску. Се надевам дека магијата на beKNOWN и мотивираноста на учесниците кои доаѓаат ќе биде пренесена на нашите членови и тие како и јас ќе имаат голем бенефит од овој настан, како во полето на знаењата за нашата организација, така и лично. Организирањето е веќе започнато, работиме со љубов и се надеваме на уште еден успешен настан во организација на БЕСТ Скопје. Се гледаме на beKNOWN!

                                                                                                                                

Маја Даскаловска