Среееееееќен роденден Злате !!!

Вчера, нашиот ни мил и "постар" член Златко, го прослави својот 28ми роденден. БЕСТовци добро се погрижија и собраа симболична сума на пари за да му купиме поклон на Златко. Но, што се случи со парите? Ги испивме :))) Не се шегувам, буквално ги испивме. Наместо поклон, Злате доби голема журка, надвор на трева пред канцеларијата на БЕСТ, со факели, свеќички, украсени ѕидови со сијалички, сангриа, Jungle Juice, Cuba Libre и уште неколку различни пијалоци. Многу пријатно и романтично, со прекрасна музика и разиграни луѓе насекаде. Се играше салса, латино, по малку српско и македонско се разбира. Атмосферата беше скромна, опуштена и за сечиј вкус. Навистина прекрасно! На крај излижавме прсти од вкусната, home made торта од мајка му на Злате. Епа Злат, СРЕЌЕН РОДЕНДЕН.

Update: Сликите од роденденот:

Салса забава

Здраво БЕСТовци, пријатели и слично. Во вторник на 15-ти мај, ние од БЕСТ, заедно со многу други љубители на латино-американските танци (салса и сл.) ќе ја превземеме забавата во наши раце. Во клубот Кастро со почеток од 21~ па до кај “25~“ ќе се одржи и салса забава, ќе има иструктори а богами и инструкторки кои ќе ги анимираат присутните.

Знам дека голем дел од БЕСТовците веќе некој период одат на салса, аргентинско танго и сл., но ова мислам дека е првата таква забава во Скопје, организирана во толку голем локал, па така ова ќе ни биде шанса сите да се собереме заедно. На забавата ќе има коктели по промотивни цени.

Се гледаме во Кастро.

Алтернативен начин на промоција

Деновиве на Local PR листата на БЕСТ, стигна интересен меил од Л'вив. Нивното LBG (локална БЕСТ група) смилило интересен начи на го промовираат локалниот IT фестивал DE:CODED^07 кој што тие го организираат.

Ви го пренесувам целиот меил, со сè граматичките грешки:

Hello everyone! Our lbg successfully organised local event: Ukrainian IT festival "DE:CODED^07". Before event we had done flash mobs near our university with T-shirts of our event. Before flash mob we paste poster at the area of our university. After providing flash mobs students was paying more attention on our posters, because they had seen logo of event on our T-shirts.

Кога првтап го прочитав меилот, појма немав што е flash mob. Одговор добив од Википедиjа.

Еве и видео за да видете како игледало сето тоа.

Евровизија 2007 - полуфинале

Ние, БЕСТ-овци од сите генерации, вчера правевме групњак во гледање полуфинале на Евровизија 2007 во Форца T-Mobile. Еуфоријата порасна кога настапи нашата Каролина,
проследена со навивање и свиркање кога направи провокативни потези со дечкото на сцената, а кулминираше кога дознавме дека Македонија влезе во финале. Па немаше и место за сомнеж, проверено дете пративме да не претстави :D

За да видите како било на лице место, ѕирнете овде: http://picasaweb.google.com/balemak/Evrovizija2007VoForza

P.S. Иле се почуствува како дома (демек e во Т-Mobile), па си прилегна во скутот на "невестата" :P http://picasaweb.google.com/balemak/IleSpie

Маврово (Никифорово), како тоа ВОЛШЕБНО звучи !

Драги пријатели и членови на БЕСТ-Скопје.
Нема да дадам опис за тренингот, ниту квалитетот на тренингот и знаењето кое го стекнаа присутните, тоа го оставам на присутните сами да го презентираат.
Сакам да ги пофалам сите присутни, организатори, слушатели, млади и стари за придонесот во реализацијата на Тренинг-Викендот. Младите членови се одлични слушатели, учествуваат потполно во секоја дискусија и преовладуваат со продуктивни, амбициозни, оригинални и напредни идеи и размислувања. Вие сте идната движечка сила на БЕСТ.

За крај, ќе го пофалам СИМЕ, кој несебично, искрено и домаќински не пречека, не пренесе до Никифорово, не смести, не угости, ни направи Скара (заедно со Иле, Сања, Нено и печурките) и не испрати како што доликува на вистински домаќин.

БРАВО СИМЧЕ!!!

GA (General Assembly) 2007

Генералното Собрание на БЕСТ е најважниот и еден од најголемите настани, кој се случува еднаш годишно, а тука присуствуваат 250 делегати од сите 76 ЛБГа од цела Европа. Исто така ова е најдобра шанса да се научи многу повеќе за тоа како работи БЕСТ на интернационално ниво. Оваа година Собранието се одржуваше во Парис и Клуни, Франција. Нашата 3-члена делегација помина 2 незаборавни недели таму.

Како си поминавме? Покрај тоа што спиевме во шатори, јадевме чудно француско сирење, а доручекот не поминуваше без сладок леб и џем, си поминавме одлично! Запознавме нови БЕСТовци полни со ентузијазам, се дружевме, журкавме, не спиевме :) , се шетавме и видовме скоро се што имаше да се види во Париз и пошироко, си правевме пикник по паркови, пиевме француско "евтино" вино на дрвен мост преполн со музичари. Е тоа беше забавниот дел!

Официјално што се случуваше? Епа многу работи, некои досадни, некои интересни, имаше многу презентации, многу предлози за гласање, многу мноооооогу аплауз :), смешни wake up games, тренинзи, шеринг сесии, смеење, солзи (ама од радосните)...од се по малце. Се изгласа и новиот интернационален борд и 5-те координатори на 6-те комитети кои постојат во БЕСТ. Во глобала си поминавме одлично, научивме милион нови работи за тоа како функционира БЕСТ на интернационално ниво, се измотивиравме и се вративме полни со нови сили за наредните проекти кои ќе ги организираме.

Слики може да погледнете тука

Леб и сол - Скопје

Ние сме БЕСТ Скопје, а Скопје...

...има микро клима, изгор лето, кочан зима,
градски ѕид и голи брда, сино небо, земја тврда.
Матен Вардар брзо тече, тајни носи, време влече.
Скопје прави падни - стани, има девет лути рани.
Скопје има славни маала - Дебар маала није шала.
Скопје јава брзо коњче, а бре момче македонче.

Насмевни се, не бери гајле, намигни ми, ајде „на здравје“, Скопје!

Градот пости, градот пие, градот демне, градот спие.
Рано утро чкембе чорба, после секој своја борба.
Млади моми љубов водат, душа вадат, очи бодат.
Разни бељи прават деца, сите ќе ги папа меца.

Насмевни се, не бери гајле, намигни ми, ајде „на здравје“, Скопје!

Јас и ти сме браќа стари, таква љубов чини пари,
ти ме чуваш, ти ме сфаќаш, ти за кусур не ми фаќаш.

Насмевни се, не бери гајле, намигни ми, ајде „на здравје“, Скопје!